SERUMPU MAKAI LEMAI

'Pot Bless' bisi diadu kena lemai ari minggu, 25/10/2009 tu tadi. Bala menyadi

dalam Kritus ari tiap iti gempuru rumah bisi datai. Utai empa sama

bela dibai datai lalu dikunsi enggau semua ka bisi datai. Vicar, Rev. Nelson Ugas

sereta bini iya mega bisi datai berami lalu besampi ka semua bala

ti nyambut ari pengada kena bulan 7, 8, 9 enggau bulan 10. Pengawa tu

bisi diaduka kena tiga bulan sekali.

MAKAI LEMAI MANTAR ARI KRISMAS 2009

Sekali agi taun tu kitai deka ngadu ka makai lemai mantar ari Krismas (Pre-Christmas Dinner). Pengawa program tu deka diadu ulih Gempuru Rumah Sungai Tapang/Stutong ti diketuaika ulih Mr. Gibson Richard Anam. Penerang ti silik baka dipadah di baruh tu:

Ari bulan : 19 Disember 2009 ( Ari Enam )
Endur : Kuching Mandarin Restaurant, Liwah Hotel, Jalai Song Thian Cheok, Kuching.
Jam : 6.30 lemai
Rega Siti Mija : RM 300.00

TERIMA KASIH TUHAN

Sampi Pemuka :

Allah Apai di serga ti pemadu bekuasa, kami mesai, muliaka nama Nuan. Terima kasih ketegal pemanah Nuan udah meri kami peluang tu kena kami ngerembaika jaku Nuan ti kudus sereta bebagi berita manah Nuan enggau menyadi kami ti bukai. Awak ka blog tu deka dikena kami ngemuliaka nama Nuan ti kudus. Sampi tu dipinta dalam nama Tuhan Jesus Kristus ti pemadu bekuasa. Amen.